ក្លិបទួកគី Fenerbahce ប្រកាសចែកផ្លូវគ្នាជាមួយ Mesut Ozil
- Admin Page
- July 14, 2022
- Views 128
ក្លិបទួកគី Fenerbahce ប្រកាសចែកផ្លូវគ្នាជាមួយ Mesut Ozil
បាល់ទាត់៖ ក្លិបទួកគី Fenerbahce បានប្រកាសពីការចែកផ្លូវគ្នាជាមួយអតីតខ្សែបម្រើ Arsenal, Mesut Ozil ហើយពីរឆ្នាំមុនផុតកិច្ចសន្យា។ កីឡាករវ័យ ៣៣ឆ្នាំរូបនេះបានផ្លាស់ទៅកាន់ទឹកដីទួកគីឆ្នាំមុន នៅពេលចាកចេញពី Arsenal ក្រោយចំណាយពេល ៨ឆ្នាំនៅទីក្រុងឡុងដ៍។
មួយរយៈជាមួយ Fenerbahce, Ozil ក៏មានដើមរដូវកាលដ៏ល្អមួយនៅទីក្រុង Istanbul ផងដែរដោយស៊ុតបញ្ចូលទីបាន ៨គ្រាប់បូករួមទាំងមួយគ្រាប់ពេលយកឈ្នះគូប្រជែង Galatasaray។ យ៉ាងណាក្តីកាលពីដើមឆ្នាំនេះស្រាប់តែក្លិបដកឈ្មោះ Ozil ចេញពីបញ្ជីដោយមិនដឹងមូលហេតុ និងមិនមានការឆ្លើយតបទៅកាន់អ្នកសារព័ត៌មានអ្វីដែរ មុនពេលប្រកាសចែកផ្លូវនៅពេលនេះ។ សារព័ត៌មាននៅប្រទេសទួកគីឱ្យដឹងថា អតីតខ្សែបម្រើក្រុមជំរើសជាតិអាល្លឺម៉ង់រូបនេះ ទំនងជានឹងផ្លាស់ទៅកាន់ក្លិបគូប្រជែងក្នុងលីគកំពូលទួកគីមួយទៀតគឺ Istanbul Basaksehir៕
អត្ថបទ៖នាង សុភាវុធ