អត្ថបទ៖ ហឹង ចូច

កំពង់ឆ្នាំង៖ កំណាត់ផ្លូវជាតិលេខ៥ ចន្លោះគីឡូម៉ែត្រលេខ៣៩,៤០ ព្រំប្រទល់រវាងខេត្តកំពង់ឆ្នាំង និងខេត្តកំពង់ស្ពឺ ដែលទឹកហូរកាត់កាលពីព្រឹកថ្ងៃទី២២ ខែកក្កដា ឆ្នាំ២០២២នេះ ត្រូវអាជ្ញាធរសម្រេចឲ្យផ្អាកការធ្វើចរាចរណ៍ ជាបណ្តោះអាសន្ន ដោយ

បង្វែរការធ្វើចរាចរណ៍ទៅតាមថ្មី វាងទីប្រជុំជនផ្សារឧត្តុង្គ។

លោក ដោក ប៊ុនថុន ប្រធានមន្ទីរធនធានទឹក និងឧតុនិយមខេត្តកំពងឆ្នាំង បានឲ្យដឹងថា ទឹកដែលបានហូរកាត់ផ្លូវជាតិលេខ៥ មានតែមួយកន្លែងទេនៅត្រង់ចំណុចគីឡូម៉ែត្រ៣៩,៤០ ប្រវែង៥០ម៉ែត្រ។

លោកបានឲ្យដឹងទៀតថា ស្ថានភាពទឹកនៅទំនប់អន្លង់ជ្រៃ បានធូស្រាលបន្តិចហើយ ។ នៅថ្ងៃទី២២ កក្កដានេះ ទ្វារទឹកបានបិទវិញទុកតែមួយប៉ុណ្ណោះ៕