លោក Zelenskyy និយាយថា អ៊ុយក្រែនបានធ្វើឲ្យរុស្ស៊ីខាតបង់ខ្លាំងលើការដឹកជញ្ជូនក្នុងដែនដីដែលបានដណ្តើមយក
- Admin Page
- July 19, 2022
- Views 146
លោក Zelenskyy និយាយថា អ៊ុយក្រែនបានធ្វើឲ្យរុស្ស៊ីខាតបង់ខ្លាំងលើការដឹកជញ្ជូនក្នុងដែនដីដែលបានដណ្តើមយក
អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃចន្ទថា កងកម្លាំងប្រដាប់អាវុធរបស់អ៊ុយក្រែនបានធ្វើឱ្យមានការខាតបង់ខ្លាំង លើការដឹកជញ្ជូនរបស់រុស្ស៊ីនៅក្នុងទឹកដីដែលបានដណ្តើមកាន់កាប់។
មួយជំហានម្តងៗ យើងកំពុងឈានរុលទៅមុខដែលបង្អាក់ការផ្គត់ផ្គង់របស់សត្រូវ កំណត់អត្តសញ្ញាណ និងរារាំងអ្នកចូលរួមសហការ។ លទ្ធផលនៅទីបញ្ចប់គឺជាក់ស្តែង ទង់ជាតិរបស់អ៊ុយក្រែននឹងស្ថិតនៅក្នុងទីក្រុង និងភូមិរបស់យើងទាំងអស់។ លោក Zelenskyy និយាយថា ទីតាំងលំនៅឋានចំនួន 1,028ខ្នងត្រូវបានរំដោះចេញពីអ្នកដណ្តើមកាន់កាប់ ដោយនៅមានលំនៅឋាន 2,621ខ្នងផ្សេងទៀតនៅតែស្ថិតក្រោមការគ្រប់គ្រងរបស់សត្រូវ។
លោកបានជំរុញប្រជាជនឱ្យរក្សាទំនាក់ទំនងព័ត៌មាន ជាមួយដែនដីដែលនៅមានមនុស្សរស់នៅ។ ជាមួយគ្នានេះ លោកកំពុងសម្រេចចិត្តថា តើត្រូវបណ្តេញមន្ត្រី 28នាក់ចេញពីអង្គភាពសេវាសន្តិសុខអ៊ុយក្រែន ឬយ៉ាងណា ដោយសារតែលទ្ធផលការងារមិនទទួលបានការពេញចិត្ត៕
អត្ថបទ៖ ប៊ុនថន