កណ្តាល៖ សម្តេចតេជោ ហ៊ុន សែន បានថ្លែងថា «ការបោះឆ្នោតនៅកម្ពុជា មានចរិតពីរយ៉ាង ទីមួយ គឺការប្រកួតប្រជែងរកកៅអីនៅសភា។ ទីពីរ ការប្រកួតប្រជែងពិតប្រាកដរវាងអ្នកគាំទ្រទៅបោះឆ្នោតតាមបែបប្រជាធិបតេយ្យ និងអ្នកបំផ្លាញប្រជាធិបតេយ្យតាមរយៈរារាំងមិនឲ្យគេទៅបោះឆ្នោត និងអ្នកបំផ្លាញសន្លឹកឆ្នោត គឺបំផ្លាញចោលសន្លឹកឆ្នោត។ នេះជាការថ្លែងរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅព្រឹកថ្ងៃព្រហស្បតិ៍ ទី០៣ ខែសីហា ឆ្នាំ២០២៣នេះ ក្នុងឱកាសអញ្ជើញសម្ពោធដាក់ឱ្យប្រើប្រាស់ផ្លូវក្រវាត់ក្រុងទី៣។

សម្តេចតេជោ ហ៊ុន សែន បានបញ្ជាក់ថា «នេះជាការតស៊ូពិតប្រាកដ នៃការបោះឆ្នោតកន្លងទៅ។ យើងបានដឹងហើយ ពួកគេបានរៀបចំយុទ្ធនាការរារាំងប្រជាជនកុំទៅបោះឆ្នោត ប៉ុន្តែប្រជាជនស្រឡាញ់ប្រជាធិបតេយ្យបានទៅបោះឆ្នោតរហូតទៅដល់ជាង ៨៤ភាគរយ ហើយសន្លឹកឆ្នោតខូចមានត្រឹមតែ ៥ភាគរយតែប៉ុណ្ណោះ»។

សម្តេចតេជោ ហ៊ុន សែន បានប្រកាសថា «ប្រជាធិបតេយ្យនៅកម្ពុជា បានឈ្នះហើយ»៕

អត្ថបទ៖ លោក ហ៊ន សុភ័ក្រ